|
اشعار زیبای آذربایجانی و استاد شهریار
| ||
|
چوخلار انجیکدی کی، سن اونلارا ناز ایله میسن من ده اینجیک کی، منیم نازیمی آز ایلمه میسن ائتمیسن نازی بو ویرانه کؤنولده سلطان ائوین آباد اولا، درویشه نیاز ایله میسن هر باخیشدا چالیبان کیپریگی مضراب کیمی بیر قولاق وئر بو سینیق قلبی نه ساز ایله میسن؟ باشدان آچ یایلیغی افشان ایله سوسن- سنبل سن بیزیم بایراممیزسان قیشی یاز ایله میسن سن گون اول، قوی غم میز داغدا قار اولسون، اریسین منیم آنجاق ایشیمی سوز و گداز ایله میسن من بو معناده غزل یازمالی حالیم یوخدی سن جوجوق تک قوجانی فرفره باز، ایله میسن کاکلی باشدا بوروب باغلامیسان تاج کیمی او قیزیل ساچدان اونا، گوللی قوتاز ایله میسن سینه بیر دشت مغان دیر، قوزی یان- یانه یاتیب منیم آغلار گوزومی اوردا آراز ایله میسن بو گوزللیک کی جهاندا سنه وئرمیش تانری هر قدر ناز ائله سن ایله، کی آز ایله میسن من بو سوز یله آتدین، آرالاندین بیلیرم آرانی بیر پارا نامردیله ساز ایله میسن دستماز ایله دیگین چشمه،مسیحا قانی دیر بیلمیرم هانسی کلیساده نماز ایله میسن؟ من«عشیران» اوخوسام، پنجه«عراق» اوسته گزه ر گوزلیم، «ترک» اولالی، ترک «حجاز» ایله میسن تازا شاعر، بوده نیز هر نه باخیرسان دیبی یوخ چوخ اوزاتسان بوغازی، اوردهگی قاز ایله میسن بسکه زلف و خط خالین قوپالاغین گؤتدون زلفعلی نین باشینی آزقالا داز ایله میسن گل! منیم ایسته دیگیم کعبه ییخیلماز، اوجالار باشدادا کژ گئده سن، دیبده تراز ایله میسن خط و خالیندن آلیب مشقیمی قرآن یازارام بو حقیقت له منی، اهل مجاز ایله میسن منی، دان اولدوزی، سن یاخشی تانیرسان که سحر افقی خلوت ائدیب رازو نیاز ایله میسن «شهریار»ین داغیلیب، داغدا داشا دالدالانیب ئوزون انصاف ایله، محمودی ایاز ایله میسن
 [ سه شنبه بیست و ششم اردیبهشت 1391 ] [ 16:2 ] [ محمد ]
سن یاریمین قاصیدی سن
اگلش سنه چاى دئمیشم خیالینى گوندرهیب دیر بس کى من آخ- واى دئمیشم آخ! گئجهلر یاتمامیشام من سنه لاى- لاى دئمیشم سن یاتالى، من گؤزومه اولدوزلاری سای دئمیشم هر کس سنه اولدوز دئیه اؤزوم سنه آى دئمیشم سندن سونرا، حیاته من شیرین دیسه، زاى دئمیشم هر گوزهلدن بیرگول آلیب سن گؤزهله پاى دئمیشم سنین گون تک باتماغیوى آی باتانا تای دنمیشم ایندى یایا قیش دئییرم سابق قیشا یاى دئمیشم گاه طویووی یاده سالیب من ده لى، ناى- نای دئمیشم سونرا یئنه یاسه باتیب آغلاری های هاى دئمیشم اتک دولو دریا کیمى گؤز یاشیما، چاى دئمیشم عمره سورهن من قره گون آخ دئمیشم، وای دئمیشم استاد شهریار برچسبها: center, script type, text, javascript, src, http, pichak, net, blogcod, random, photos, flowers, js, script, div style, display, none, h1, a href, www, گالری عکس, a [ سه شنبه بیست و ششم اردیبهشت 1391 ] [ 15:29 ] [ محمد ]
سیزلاییر احوالیما صبحه قدر تاریم منیم تکجه تاریم دیر قارا گونلرده غمخواریم منیم چوخ وفالی دوستلاریم واردیر، یامان گون گلجهیین تاردان اوزگه قالماییر یار وفاداریم منیم یئر توتوب غمخانه ده، قیلدیم فراموش عالمی من تارین غمخواری اولدوم، تار غمخواریم منیم گوزلریمه هر تبسم سانجیلیر نئشتر کیمی کیپریگی خنجردی، آه، اول بی وفا یاریم منیم آسمان آلدی کناریمدان آی اوزلو یاریمی یاش توکر اولدوز کیمی بو چشم خونباریم منیم ای بو غملی کونلومون تاب و توانی، سویله بیر عهد و پیمانین نه اولدو، نولدو ایلغاریم منیم شهریارم گر چی من سوز مولکونون سلطانییم گوز یاشیمدان باشقا یوخدور در شهواریم منیم استاد محمدحسین شهریار [ سه شنبه بیست و ششم اردیبهشت 1391 ] [ 15:17 ] [ محمد ]
سید محمد حسین بهجت تبریزی در سال 1285 هجری شمسی در روستای زیبای « خوشکناب » آذربایجان متولد شده است.
ادامه مطلب [ سه شنبه بیست و ششم اردیبهشت 1391 ] [ 13:35 ] [ محمد ]
|
درباره وبلاگ  گلچین اشعار بسیار زیبای ترکی آذری واستادشهریار لطفا نظر خود را ثبت کنید | |